पुणे : शिक्षण क्षेत्रातील समस्या, तसेच सरकारच्या शैक्षणिक धोरणात आवश्यक असलेले बदल यांबद्दल जागृती करण्यासाठी महाराष्ट्र नवनिर्माण विद्यार्थी सेनेच्या (मनविसे) पुणे शहर शाखेने पथनाट्ये आयोजित केली होती. ‘मनविसे’ने केलेल्या कामाची आणि आंदोलनांची माहितीही त्यातून देण्यात आली.
पुणे शहरातील महाविद्यालये आणि शाळांमध्ये ही पथनाट्ये सादर करण्यात आली. ११ जुलै रोजी एस. पी. महाविद्यालयातून या पथनाट्य सादरीकरणाला सुरुवात झाली. त्यानंतर जेधे महाविद्यालय, देसाई महाविद्यालय, ज्ञानप्रबोधिनी चौक, सुजाता मस्तानी, न्यू इंग्लिश स्कूलसमोर (स्टडी सर्कल), चिंचेची तालीम चौक, रमणबाग, नूमवि, अलका चौक इत्यादी ठिकाणी ‘मनविसे’ने पथनाट्ये सादर केली.
